மும்பை: பாஜகவின் பிரதமர் வேட்பாளர் மோடியை 90 சதவீத இந்தியர்கள்
எதிர்ப்பதாக பிரபல இந்தி பாடல் ஆசிரியர் ஜாவித் அக்தர் தெரிவித்துள்ளார்.
பாஜகவின் பிரதமர் வேட்பாளரான மோடி குறித்து பிரபல இந்தி பாடல் ஆசிரியர்
ஜாவித் அக்தர் ட்விட்டரில் கருத்து தெரிவித்துள்ளார்.
இது குறித்த அவரது ட்வீட்,
மோடியை எதிர்ப்பது தேச விரோத செயல் என்று சில முட்டாள்கள் தெரிவித்து
வருகின்றனர். அப்படி என்றால் 90 சதவீத இந்தியர்கள் தேச விரோதிகள் என்று
அவர்கள் கூற வருகிறார்களா? என்று கேட்டுள்ளார்.
முன்னதாக அவர் கடந்த மாதம் ட்விட்டரில் கூறியிருப்பதாவது,
டீசன்ட் இல்லாமல், தரக்குறைவான மெசேஜ்களை மோடி பிரியர்கள் எனக்கு
அனுப்புகிறார்கள். அதில் இருந்தே அவரின் ஆதரவாளர்களின் தரம் தெரிகிறது
என்று தெரிவித்துள்ளார்.
மோடி ஒரு நல்ல பிரதமராக இருக்க முடியாது என்று ஜாவித் அக்தர் கடந்த மாதம்
நிகழ்ச்சி ஒன்றில் தெரிவித்தார் என்பது குறிப்பிடத்தக்கது.
No comments:
Post a Comment